பஞ்சாயீ..........

பயணக்கட்டுரை எழுதும் அளவுக்கு ஒன்றும் பெரிய விஷயம் இல்லை . அப்படியே எழுதினாலும் மடிப்பாக்கம் மகாவிஷ்ணு போன்ற ஜாம்பவான்களின் பகடிக்கு ஆளாகும் அபாயம் தொக்கி நிற்பதால் , அனுபவங்களை பகிர்ந்து கொள்கிறேன் என்று வைத்துக் கொள்ளுங்கள் . (ளலாம் ) கடல் கடந்து முதல் பயணம் . நாங்கள் புறப்படுவதற்கு முதல் நாள் தான் பாகிஸ்தான் விமானம் விபத்துக்குள்ளாகியிருந்தது . கொஞ்சம் உதறல்தான் . இருந்தாலும் ஆர்வம் அதை விஞ்ச .... ஸ்வெய்ங்.....

கிட்ட தட்ட 16 மில்லியன் மக்கள் தொகை . அதில் பாங்காக்கில் மட்டும் 10 மில்லியன் பேர் வசிக்கிறார்கள் . 80 % வருமானம் சுற்றுலாவின் மூலம் . 70 % புத்த மதத்தை பின்பற்றுபவர்கள் . முஸ்லீம்கள் , இந்துக்கள் என்ற கலவையான தேசம் தாய்லாந்து . நம்மூரில் மு.க படம் தெருவெங்கும் தொங்குவதை போல் அங்கும் அந்நாட்டு ராஜா , ராணி படம் தென்படுகிறது . ராஜாவுக்கு உடல் நிலை சரியில்லை . 83 வயதாகிறது . சிகிச்சையில் இருக்கிறார் . ராணிக்கு 76 . பிரதம மந்திரியின் பெயர் ஏதோ சொன்னார்கள் . மறந்து விட்டேன் . அவரால்தான் நாடு குட்டி சுவராகிறது . மக்களுக்கு அவர் மேல் ஏக அதிருப்தி . தேர்தல் வந்தால் தோற்று விடுவார் என்று எங்கள் கைடு ஒரு மினி சொற்பொழிவாற்றினாள் . நாங்கள் போன போதும் ஏதோ கவுன்சிலர் தேர்தல் போல் நடந்து கொண்டிருந்தது . மூலைக்கு மூலை பேனர்கள் .

முதலில் பட்டயா . (உண்மையில் பட்டையை கழற்றும் ஊர்) . அவர்கள் பத்தையா என்றும் உச்சரிக்கிறார்கள் . அதே சப்பை மூக்குடன் , ஆனால் விதம் விதமான பெண்கள் . ஒரு சின்ன டிராயர் , லிப்ஸ்டிக் . கண்களில் ஒரு அலட்சியம் . சிகரெட் .

அங்கு சலூன்களில் நல்ல பிஸினஸ் . தலை முடியை (???? ) பராமரிப்பதில் மிகுந்த அக்கறை காட்டுகிறார்கள் . ஏராளமான மசாஜ் பார்லர்கள் . நமக்கு தேவை நிறைய வலியும் , பாட்களும் ( தாய் கரண்சி) . நீளமான , அழகான கடற்கரை சாலையில் “காய்”த்து தொங்குகிறார்கள் . அநேகமாக நுரை பஞ்சு கச்சை . ஒரு அடி டிராயர் . அவ்வளவுதான் . விஷயம் ரொம்ப சிம்பிளாக இருக்கிறது . தயக்கம் , தடங்கல் , குறுக்கீடுகள் எதுவும் இல்லை . அந்த இடத்திற்கு வாக்கிங் ஸ்ட்ரீட் என்று பெயர் . பொருத்தமான பெயர்தான் . வரிசையாக மதுபான விடுதிகள் . மசாஜ் பார்லர்கள் . மீன் மசாஜ் , ஆயில் , ஷாம்பூ மசாஜ் . சாண்ட்விச் மசாஜ் , பாரம்பரிய தாய் மசாஜ் இன்ன பிற ...

பஞ்சவர்ண கிளி நீ பறந்த பின்னாலும்......

எந்த நாடு என்று கேட்டேன்

ஈரான் என்றாள் .

இரேன் என்றேன் .

சிரித்தாள்

தமிழ் தெரியாது

அழகாய் இருக்கிறாய் என்றேன் ஆங்கிலத்தில்

உண்மை என்றால்

நன்றி என்றாள்

மதுபான விடுதிகளில் பெண்கள் கிட்ட தட்ட அம்மணம்தான் . ஆட்டம்தான் . விடிய , விடிய களிநடனங்கள் . பயந்து , பயந்து இங்கு சிடியில் பார்க்கும் சங்கதிகள் அங்கு அப்பட்டமாய் மேடையில் . நல்ல வெளிச்சத்தில் . யாரும் அதை பொருட்படுத்துவதேயில்லை . நிறைய இந்திய பெண்களும் கொஞ்சம் பண்பாட்டு , கலாசார முகமூடிகளை கழற்றி வைத்து விட்டு , ஜோதியில் ஐக்கியம் . என்ன முதலில் கொஞ்சம் அதிர்ச்சியை காட்டினாலும் , ரசிக்கிறார்கள் என்றே தோன்றுகிறது .

வைகோவின் தம்பியாம் . பொடாவுல பிடிச்சு போடுங்கப்பா

கலாசார ஷோக்கள் , மிருக காட்சி சாலைகள் , பாரா செய்லிங் என்று நிறைய சமாசாரங்கள் இருந்தாலும் , உலகின் புராதான தொழிலுக்குத்தான் அங்கு மவுசு இருக்கிறது .

அங்கிருக்கும் உணவு பண்டங்களின் பெயர்களே வாயில் நுழையவில்லை. உணவும் அப்படித்தான் . ஆனால் ரசித்து சமைக்கிறார்கள் . ருசித்து சாப்பிடுகிறார்கள் . பாம்பை அவர்கள் அறுத்து சமைக்கும் விதமே அலாதி . நாம் வெள்ளிக்கிழமைகளில் புற்றுக்கு பால் தெளிப்பதோடு சரி .

சைனா டவுன் என்று ஒரு ஏரியா . பெளரத் என்று அழைக்கிறார்கள் . மினி கூவம் போல் ஒன்று ஓடுகிறது . அங்கு பத்துக்கு பத்து கடைகளில் அமர்ந்திருக்கும் சீக்கியர்கள் . சாம்சங் , சோனி எல்.சி.டிக்களை ஷோரூம் விலையை விட குறைவாய் கொடுப்பது ஆச்சர்யமூட்டுகிறது . அங்கு ஒரு பர்மா ஆசாமி ஓட்டல் வைத்திருக்கிறார் . எங்களை பார்த்தவுடன் தமிழில் கோழிக்கறி , மீனுக்கறி சோறு , வெண்டைக்காய் இருக்கிறது . சாப்பிட வாங்க என்று அழைத்தார் . நளபாகம் . ஆனால் ஐந்து நாள் தான் தாங்க முடிகிறது . அதற்கு பிறகு வத்தக்குழம்புக்கு நாக்கு ஏங்க ஆரம்பித்து விடுகிறது

ஆர்யாஸ் என்று ஒரு ஓட்டல் . அங்கு சாப்பிட்டு விட்டு வெளியில் வந்தோம் .(கிட்ட , தட்ட அப்பன் , முப்பாட்டன் சம்பாத்தித்த பாட்களை எழுதி கொடுக்க வேண்டும்) . எதிரில் வந்தாள் அழகிய தாய் பெண்ணொருத்தி . சற்றே மோதுவதை போல் வந்து “நமஸ்தே “ என்றாள் . என் காதில் "how much you pay ? " என்று விழுந்தது . தாய்லாந்து..........