சிறிய இடைவேளைக்குப் பின்.............

அந்த குப்பை தொட்டிக்கு

பக்கத்தில் கிடந்தான்

அவன்

தனக்குள் பேசியபடி

இல்லை..பிதற்றியபடி

ஏதோ உந்த அருகில்

சென்றேன்

மிக்க படித்தவன் போலும்

அருகில் இருந்த சான்றிதழ்களின்

சாட்சியம்

உனக்கு ஒரு பணி

தருகிறேன் வருகிறாயா?

பின் நடந்தவைகள்

சற்று நீளமான சம்பவங்கள்

நாட்கள் நிறைய

நகர்ந்து போயின

அவனை மீண்டும் சந்திக்கும்

வாய்ப்பு கிடைத்தது

இம்முறையும்

தனக்குள் ஏதோ பிதற்றியபடி

இல்லை பேசியபடி

காதில் ஏதோ பொருத்திக்கொண்டும்

கண்களை மூடி ரசித்து

உரையாடிக்கொண்டும்...