நேர் எதிரில் ஒரு குறுக்கு சந்து

நாகராஜிக்கும் தாஸப்பிரகாஷுக்கும்
எனக்கு சற்று
அடையாள குழப்பம்
எப்போதுமே உண்டு

இருவரும் சற்று கறுப்பு
கூடவே பிரஷ் மீசையும்
பரஸ்பரம் மாற்றியே
அழைக்கிறேன்

ஆனால் அவர்களுக்கு
என்னிடம் இந்த குழப்பம் இல்லை
என்னைப் போல் வேறோருவன்
அவர்களுக்கு அறிமுகமாகாமல்
இருக்கலாம்

தூண்டிலுக்கு இருக்கும்
பொறுமை மனசுக்கில்லை
ஒவ்வொரு அவசர சுண்டுதலிலும்
மீன் தப்பித்துக் கொள்கிறது
தற்காலிகமாய்