கதை கதையாம்...காரணமாம் !!

இவ்வளவு நேரமா? என்னத்தை புடிங்கிட்டு இருக்கான் இந்த பய.. எனக்கு கோபமாக வந்தது. பின்ன..நானே நைட்டு அடிச்ச சரக்கு மண்டை பாரமாய் அவஸ்தை படறேன். ஒரு கட்டிங் அடிச்சாத்தான் சரியாகும். இந்த முனியனை அனுப்பினா..போய் 2 ஹவர் ஆகுது. இன்னும் ஆளை காணும்.. வரட்டும் . சாத்திடறேன்... மீதி தூள் இருப்பது நினைவுக்கு வந்தது. எடுத்து கசக்கி பீடியில் அடைத்தேன். பற்ற வைத்து சுகமாய் ஒரு இழுப்பு. கடலை மிட்டாய் இருந்தா நல்லாயிருக்கும் போல இருந்தது.

நேத்து நைட்டு பார்த்த மிட்நைட் மசாலா வேற தொந்தரவு பண்ணீகிட்டே இருக்கு. இன்னிக்கு கிளைமேட் வேற சில்லுன்னு இருக்கு. என்ன பண்றது? சரி முதல்ல முனியன் வரட்டும். சரக்கு ஏத்தி கிட்டு அப்புறம் யோசிக்கலாம். மீன் காரன் வேற வருவான்.

முனியன் வந்துவிட்டான். கடையில் சரக்கு இறக்கி கொண்டிருந்தார்களாம். அதான் லேட்டுனு தலை சொறிந்தான். போய் சிகரெட்டும், ஆம்லெட்டும் வாங்கி வான்னு அனுப்பிட்டு, சரக்கை கிளாசில் ஊற்றினேன். டூப்ளிகெட்டான்னு தெரியலை. இந்த நாத்தம் அடிக்குது. ஊரே ஏமாத்து வேலைதான் பண்ணுது..

முனி ஆம்லெட் வாங்கிட்டு வர்றதுக்குள்ள சரக்கு காலி. போடா. போய் இன்னொரு பாட்டில் வாங்கிட்டு வா..முனகி கிட்டே போனான் முனியன்.

சரக்கடிச்சா எனக்கு உடனே பாட்டு வந்துடும். பி.சுசிலா பாடின ஒரு பாட்டை பாட ஆரம்பிச்சேன். போன் அடிச்சுது. யார்னு பார்த்தேன்...ரவிதான்..

இந்த இடத்தில்தான் எனக்கு குழப்பம். மேற்கொண்டு இந்த கதையை எப்படி எடுத்து செல்வது என்று..? ரவியை வரச்சொல்வதா? வேண்டாமா? சும்மா வழக்கம் போல் சப்புன்னு கதையை முடிப்பதில் எனக்கு உடன்பாடில்லை. அதனால்..

போன் அடித்தது. யார்னு பார்த்தேன். ரவிதான்.. சனியன் புடிச்சவன். ஒரு வேலைக்கு லாயக்கில்லை. எப்பவும் என் காசுலயே குடிக்கலான்னு அலையறவன்.. சரி. வந்து தொலைன்னேன்.

ரவி வந்து விட்டான்.. என்ன காலையிலேயே போட்டியா? சரி.. எவ்வளவு பணமிருக்கு?

இருக்கு. ஆனா உனக்கு ஒரு சல்லிக்காசு தர மாட்டேன்..

நீ தரலைன்னா.. நானே எடுத்துக்கறேன்..

வேண்டாம்.. வராதே..அவன் கேட்காமல் கையை பிடிக்க.. எட்டி விட்டேன்.. சுவற்றில் தலை மோதி விழுந்தான்.. தலை தொங்கியது.. கிட்ட போய் பார்த்தேன். மூச்சு அடங்கியிருந்தது. வாசலில் சத்தம் கேட்டது. முனியன்..

என்னாச்சு?

செத்து போயிட்டான் முனி.

முனி பரபரவென்று செயல்பட்டான். சாக்கு பைக்குள் பிணத்தை திணித்தான். ரத்தக்கறையை துடைத்தான்.

“அக்கா” நீங்க கவலைப்படாதீங்க.உங்க புருஷனா இருக்க இவனுக்கு தகுதியில்லை. சரக்கை அடிச்சுட்டு நிம்மதியா தூங்குங்க..சனியன் ஒழிஞ்சது.. நான் பாத்துக்கறேன்...

மானிட்டர் பக்கங்கள்…………..07/12/09

ஹெட்மாஸ்டர் சார்.. அந்த பையன் கிளாசுக்கே வர்றதில்லை. எப்படி முதல் ரேங்கில் பாஸ் பண்றான்..?

சும்மா இருங்க.. அவன் காதுல விழுந்தது.. தொலைஞ்சீங்க.

என்ன சார் இப்படி பயபடறீங்க?

யோவ்.. அவன் மந்திரி புள்ளையா!!

காலம் ஓடோடி போனது. மந்திரி புள்ளை வர்ணாசிரம தர்மப்படி மந்திரி ஆகிவிட்டார். அவர் துறையில் விவாதம் நடக்கிறது. ஆனால் மந்திரி வரவில்லை. வாழ்க...வளர்க... பூச்சி மருந்து அடிச்சாலும் இனி பிரயோசனமில்லை.. ஓசி வாங்கி ஓட்டு போடும் மக்களுக்கு அது பற்றி என்ன கவலை? சபைக்கு ஆள் வரலைன்னா, செலவை ஏத்துக்கணும், சஸ்பெண்ட் பண்ணனும் .. இப்படி நிறைய பேர் டிவியில் கருத்து சொன்னார்கள். நான் சொல்றேன். சம்பந்தபட்ட ஆளை தொகுதிக்கு வரவழைத்து ஆளுக்கொரு குட்டு நங்குன்னு!!!

இரண்டு வாரங்களுக்கு முன் ஞானி எழுப்பிய ஒரு கேள்வி அதிகம் கவனிக்கப்படாமலே மறைந்தது... கல்லூரி படிப்பை முடித்த ஒரு இளைஞன். எந்த வேலைக்கும் போனதில்லை. எப்படி பத்து கோடி ரூபாயில் ஒரு திரைப்படம் தயாரிக்க முடிகிறது. பாவம் ஞானி. அவர்கள் ஆளுக்கொரு 500 ரூ கொடுங்கள். வண்ணக்கோலம் படைக்கிறேன் என்று மேடை போட்டு பணம் வசூலிக்க வேண்டுமா என்ன? அந்த இளைஞன் என்ன ? தெருவிளக்கில் படித்தா பட்டம் வாங்கினார். மந்திரி பரம்பரையப்பா.

வந்தவாசி தொகுதி கலரே மாறிவிட்டதாம். அட ..ரேஷன் அரிசி கூட.. கொல்லங்குடி கருப்பாயி கலர் இருந்த அரிசி முன்னாள் கன்னியாகுமரி தாசில்தார் நிர்மலா அம்மையார் நிறத்துக்கு மாறியதன் பிண்ணனியில் உணவு அமைச்சர் ஏ.வ .வேலு இருப்பார் என்று நம்புவோம்..(அவர்தான் அம்மையாரின் நிறத்தை புகழ்ந்தவர்..)

சம்பாதிக்கிற காசையெல்லாம் அங்கதான் அழிக்கிறோம். நீங்க இலவசமா கொடுத்த கலர் டிவியையும் வித்து குடிக்கிறோம். ஆனா சரக்கு போதையே ஏற மாட்டேங்குது. இப்படி மானாவாரியா புகார் வந்ததும் காவல்துறை சுதாரித்து கொண்டது. குடிகளுக்கு இப்படியா என்று டாஸ்மாக்கிற்கு ரெய்டு போனார்கள். உள்ளே நம்மாளுங்க மாநகராட்சி இடைத்தேர்தல் கணக்கா களப்பணியில் ஈடுபட்டிருந்தார்கள். எவனோ லோக்கல் ஜி.டி.நாயுடு கண்டுபிடிச்சு கொடுத்த தொழில்நுட்பத்தின்படி உள் இருக்கும் சரக்கை எடுத்து விட்டு எச்.2 .ஓ வை கலந்து கொண்டிருந்தார்கள். டாணாகாரர்களை கண்டதும் வுடு ஜீட். அப்புறம் நம்ம காக்கிகள் விடிய,விடிய காவல்தான்.

சென்ற வாரம் நண்பரின் பைக் விபத்துக்குள்ளானது. புகார் கொடுக்க போனோம். முன்பெல்லாம் பேப்பர், பேனா வாங்கி வர சொல்வார்கள். டெக்னாலஜி இம்ப்ரூவ் ஆயிடுச்சில்ல.. அந்த காக்கி வில்ஸ் கேட்டது. டொகொமோ ரீசார்ஜ்(120 ரூ)..

சைதாப்பேட்டை பாலத்தில் டிராபிக் ஊர்ந்து கொண்டிருந்தது. காரில் அலுவலகம் (??) போய் கொண்டிருந்தேன். மொபைல் அடிக்க, பார்த்தால் கிளையண்ட். சார் திரும்பவும் அழைக்கிறேன்னு சொல்லிவிட்டு துண்டித்தேன். மூக்கில் வியர்த்த கழுகாய் இரு போக்கு”வரத்து” காவலர்கள் மடக்கினார்கள்.தினத்தந்தி மொழியில் பாய்ந்து பைக்கில் வந்தார்கள். கார் ஓரம் கட்டப்பட்டது.

டிரைவிங்கில் மொபைல் பேச கூடாது. 1200 ரூ அபராதம்.

சார் உடனே கட் பண்ணிட்டேனே..

ம்ம்.. நான் நீங்க பேசினதை பார்த்தேன். பேப்பர்ஸ் எடுங்க... எங்க வொர்க் பண்றீங்க?

பத்திரிக்கையில்!!

எந்த பத்திரிக்கை?

கல்யாண பத்திரிக்கை..

நக்கலா?

இல்லீங்க. கல்யாணமாலைன்னு மேட்ரிமோனியல் மேகசின். நீங்க கூட ஹெல்மெட்டை டேங்க் மேல வச்சிருக்கீங்க. பிராக்டிக்கலா பாருங்க சார்..

சரி 250 ரூ கொடுத்துட்டு கிளம்புங்க..

காசை கொடுத்து விட்டு அவனை முறைத்து பார்த்தேன். மானசீகமாக அந்த ரூபாயை கழித்தேன்.... (புரியாதவங்க விட்டுடுங்க..)

ஸ்லீப்பிங் ஜெயண்ட்ஸ் என்று தூர்தர்ஷனையும், பிஎஸ் என் எல்லையும் சொல்லலாம். மும்பை கம்பெனிகளெல்லாம் கஸ்டமர் கேரில் தமிழ் பேசும் ஆட்களை அமர்த்தியிருக்கிறார்கள். சென்னை தொலைபேசிக்கு போன் பண்ணினேன். எண் வாரியாக மொழித்தேர்வு. 4 ல் தமிழ். 4 ஐ தேர்வு செய்தேன். மறுமுனையில் மலையாளத்தில் எந்தா

வேணும்!! கொடுமைடா சாமி...

டிஸ்கி கவுஜை :

சோரம் போன மனைவி..

போதை மகன்

சீரழிந்த மகள்

கொலைக்கும் துணிந்த சகோதரன்

நாட்டை காட்டி கொடுக்கும் முதலாளி

எதற்கும் துணிந்த நண்பன்

இத்தனை பேரும்

ஒரே நாளில் ஒழிந்தார்கள்

சனியன் புடிச்ச டிவி ரிப்பேர்...

உண்மைத்தமிழனுக்கு எதிராக சதி....

Author: உண்மைத்தமிழன்

அன்பிற்கினிய தமிழ்மணம் நிர்வாகிகளுக்கு..!

எனது வலைத்தளம் அமெரிக்க நேசப் படைகளின் கூட்டுச் சதி காரணமாகவும், ஐரோப்பிய தேசங்களின் துரோகத்தாலும் வலையுலகின் பார்வைக்கு வராமல் முடக்கி வைக்கப்பட்டுள்ளது என்பதை தமிழ்மண நிர்வாகத்தினரின் கவனத்திற்குக் கொண்டு வர விரும்புகிறேன்.

அமெரிக்க ஏகாதிபத்தியத்தை எதிர்த்தும், சி.ஐ.ஏ., எஃப்.பி.ஐ. என்கிற ஒட்டுண்ணிக் கும்பலையும் தன்னந்தனியாக நான் ஒருவனே எதிர்த்து நிற்பதால் எனது வலைத்தளத்தின் முடிவு என்னவென்று தெரிய சில நாட்களாகும் என்று தெரிகிறது.

தமிழ்மணம் நடத்துகின்ற இந்தப் போட்டியில் நான் கலந்து கொண்டால் நிச்சயம் ஜெயித்துவிடுவேன் என்றெண்ணி அங்குள்ள வலைப்பதிவர்கள் யாரோ சிலர்தான் அமெரிக்க அரசைத் தூண்டிவிட்டு எனது வலைத்தளத்திற்குள் வைரஸை பரப்பி இந்த கொடுஞ்செயலைச் செய்திருக்கிறார்கள் என்று சந்தேகிக்கிறேன்.

ஆகவே தமிழ்மணம் நிர்வாகத்தினரை நான் கேட்டுக் கொள்வது என்னவெனில், போட்டிக்கான இடுகைகளை பரிந்துரைக்கும் தேதிகளை என் பொருட்டு காலவரையின்றி நீட்டிக்கும்படி வேண்டிக் கொள்கிறேன்.

தமிழ்மணம் எனது வேண்டுகோளை புறக்கணித்து ஏற்க முடியாது என்று சொன்னால் தயவு செய்து நான் கலந்து கொண்டால் ஜெயிக்கக் கூடிய இரண்டு முதல் பரிசுகளை சிறப்புப் பரிசுகள் என்று சொல்லி எனக்கு அனுப்பி விடுங்கள்..!

தமிழ்மணமே.. நீங்கள் நடத்துகின்ற இந்தப் போட்டியை வரவேற்று தனியா ஒரு பதிவு போட்டு வாழ்த்தியவன் இந்த உண்மைத்தமிழ் என்பதையும் போகிறபோக்கில் மறந்துவிடாதே..!

இல்லைன்னா.. தமிழ்மணத்தின் எதிர்க்கும் புல்லுருவிகளின் கூட்டத்தில் ஒருவனாக நானும் மாறிவிடுவேன் என்பதை மிகத் தாழ்மையுடன் தெரிவித்துக் கொள்கிறேன்..!

அப்பனே முருகா.. என்னே உனது விளையாட்டு.. ஆயிரம் ரூபாயைக்கூட பரிசா வாங்கக் கூடாதுன்னு நினைக்குற பாரு.. நீதாண்டா கடவுள்.. நீதாண்டா தெய்வம்.. நீதாண்டா சாமி..

முருகனுக்கு அரோகரா..! வெற்றிவேல் முருகனுக்கு அரோகரா..

டிஸ்கி : சென்னையில் உள்ள எலுமிச்சை பழம் வியாபாரிகள் உண்மைத்தமிழன் பிளாக்கை மீட்க ஆர்வமாக உள்ளனர். காரணம் கேட்டதற்கு பதில் கூற மறுத்து விட்டனர். அண்ணே நீங்களாவது சொல்லுங்களேன்.

8 ஆம் நம்பர் சைக்கிள்...

ஆறடி உயர கட்டுமஸ்தான உடம்பு. நெஞ்சுக்குழியில் ஒரு டம்பளர் தண்ணி நிக்கும். டெய்லி 1000 கர்லா, 250 பெஞ்சு பிரஸ். ஒரு முழு கோழி. நாட்டு சரக்கு. கத்திரி சிகரெட். அதிமுக கரை வேட்டி. முண்டா வரை மடித்து விடப் பட்ட வெள்ளை சட்டை. கழுத்தில் கைகுட்டை. கறுப்பில் நீலம் கலந்த நிறம். எப்போதும் லேசான நீலத்தில் மிதக்கும் கண்கள். இதுதான் பன்னீர். பன்னீர் வாடகை சைக்கிள் கடையின் முதலாளி.

பன்னீர் எனக்கு ஆதர்ச நாயகன். நான் அப்போது +2 படித்து கொண்டிருந்தேன். அவன் கடை பக்கத்தில்தான் நம்மாள் வீடு. பன்னீரை சிநேகம் பிடிக்க அதுதான் முதல் காரணம். அப்போது சட்டென்று ஏரியா விட்டு ஏரியா போய் சைட் அடிக்க முடியாது. ஒவ்வொரு தெருவிலும் ஒரு அடியாள் கோஷ்டி உண்டு. சுளுக்கெடுத்து விடுவார்கள். ஆனால் நான் பன்னீரின் பெட் என்பதால் எனக்கு விதி விலக்கு . ஆம் . பன்னீருக்கு நான் மிகவும் பிடித்தமானவன். இதில் எனக்கு ரொம்ப பெருமையா இருந்தது. என் நண்பர்கள் சிலருக்கு பொறாமை. பன்னீர் என்னை பெல் என்றுதான் கூப்பிடுவான். அவனிடம் 8 ஆம் நம்பர் சைக்கிள் ஒன்று உண்டு.அதிமுக கலரில் “பன்னீர்” என்று எழுதி குதிரை மாதிரி இருக்கும். அதை வாடகைக்கு தரமாட்டான். அது புரட்சித்தலைவர் தஞ்சைக்கு வந்தபோது அவனுக்கு பரிசாக தந்ததாம். அரை மணிக்கொருக்கா அதை துடைத்து பள பளன்னு வச்சிருப்பான். ஆனால் நான் அந்த சைக்கிளை ஓட்டிக் கொண்டு போய்தான் அவளை பார்ப்பேன்.அந்த சைக்கிளில் நான் போவதை எல்லோரும் ஆச்சர்யத்துடன் பார்ப்பர். எனக்கு பெருமையாக இருக்கும். அவளை சாய்த்திட நான் என்னை விட அந்த சைக்கிளைத்தான் மலை போல் நம்பியிருந்தேன்..பன்னீர் கடை சைக்கிளில் கேரியர் இருக்காது. டபுள்ஸ் போக கூடாதுன்னு. ஆனால் என்னிடம் அடிக்கடி அவன் சொல்வது. பெல்லு.. நீ அவளை நம்ம எட்டாம் நம்பர்ல முன்னாடி வச்சு தூக்கிட்டு வந்திடு. எவன் வந்தாலும் நான் பாத்துக்கறேன்..

ஒரு முறை நானும், ரவியும் ஒரு வெட்டி தகராறு இழுத்து விட்டோம். பன்னீர் இருக்கும் தைரியத்தில்தான். விஷயம் பன்னீர் காதுக்கு போயிற்று. கடுப்பானவன் என்னை அடித்து விட்டான். பின் என்ன நினைத்தானோ, சரி வாங்கன்னு சாந்தி புரோட்டா ஸ்டாலுக்கு கூட்டிகிட்டு போனான். நல்லா சாப்பிட்டோம். பெல்லு.ஏற்கனவே அவனுகளுக்கும், எனக்கும் ஆகாது. அதனால இது பெரிய பிரச்சனையா ஆகப் போகுது. நீங்களும் சாக்கிரதையா இருக்கணும். தனியா எங்கயேயும் சுத்தாதீங்க. சைக்கிள் செயினை இடுப்பில கட்டி கிட்டே திரிங்க.. என்றான்.

அப்புறம் அவன் சொன்னது போல் அது ஊர் தகராலு(சரியான உச்சரிப்புதான்) ஆயிற்று. நான் சைக்கிள் செயினை சுழற்றி சண்டை போடுவதை எப்படியாவது அவளை பார்க்க வைத்தால் போதும். கட்டின துணியோடு வந்து விடுவாள் என்று அசாத்திய நம்பிக்கையில் இருந்தேன். ஆனால் அதற்கான வாய்ப்பே வராமல் அவர்களுக்குள் காம்ப்ரமைசாகி விட்டார்கள்.

சென்னை வந்து செட்டிலாகி(அதாவது கந்தலாகி..) பன்னீரையெல்லாம் மறந்தே விட்டேன். ஒரு முறை ஊருக்கு போகும் போது உலக்ஸ் சொன்னான்.. மாப்ள பன்னீரை பார்த்தேன். உன்னைய ரொம்ப கேட்டான். எனக்கும் சட்டென்று பன்னீர் பெல்லு என்று கூப்பிடுவது போல் இருந்தது.

ஆறடி பனையாக இருந்த பன்னீர் நாலரை அடிக்கு சுருண்டிருந்தான். சகல வியாதிகளும் இருந்தது. அந்த நீல கண்கள் மட்டும் அப்படியே. என்னை பார்த்ததும் பெல்லுதானே என்று எழுந்து உட்கார்ந்து கொண்டான். சைக்கிள் கடையெல்லாம் மூடியாச்சு.. ஏதோ பொழப்பு ஓடுது. பையன் சின்னதா ஒரு டைலர் கடை வச்சிருக்கான்( சந்திரன்).. அப்புறம் நீ எப்படி இருக்கே? கடைசி வரைக்கும் அந்த சைட் உன்னைய திரும்பி பார்க்கல இல்லே? புது தெம்பு வந்தது போல் பன்னீர் பேசிக் கொண்டே போக, நான் வாங்கி கொண்டு போயிருந்த எம்.சி பிராண்டியை கொடுத்தேன். கூட பாம்பே ஸ்வீட் ஸ்டால் காராசேவு. அவனுக்கு மிகவும் பிடிக்கும். லேசாக அந்த முரடனின் கண்ணில் நீர் கோர்த்தது.

உடம்புல திராணி இருந்தப்ப இவளை மனுஷியாவே மதிச்சதில்லை. பாவம்... இப்ப இதான் எல்லாம் செய்யுது.. பன்னீரின் மனைவி அவனை ஆதரவாக அனைத்துக் கொண்டாள்..

பெல்லு... திரும்ப அந்த மாதிரி வாழமுடியுமா? ஆசையாயிருக்கு..எனக்கும் கண் கலங்கியது. ஒற்றை ஆளாக சைக்கிளை சுழற்றி சிலம்பம் ஆடி, பத்து பேரை பன்னீர் சமாளிப்பதை பார்த்திருக்கிறேன். இப்போ பச்சை குழந்தையாய் அவன் அழுவதை பார்க்க வாழ்க்கையின் மீது மீண்டும் தாங்க இயலா வியப்பு தோன்றி மறைந்தது.

பன்னீர் அந்த 8 ஆம் நம்பர் சைக்கிள் எங்கேன்னு கேட்டேன். அதோன்னு கை காட்டினான். அது சிதிலமடைந்து, எலும்பு கூடாக இருந்ததுன்னு நினைச்சா அது தப்பு...

எது நடக்குதோ இல்லியோ, தெனம் அந்த சைக்கிளை துடைச்சு, எண்ணெய் போட்டு, பூ சாத்திடுவாரு. என் உசிரே அங்க தாண்டா இருக்குன்னு அடிக்கடி சொல்வாரு..

எனக்கு அந்த 8 ஆம் நம்பர் சைக்கிளில் போய் அவளை பார்க்க வேண்டும் போல் இருந்தது...

கடன் வாங்கி கழித்தல்....

மாப்ள..ஒரு நாளாவது நாலு தெருவையும் சுதந்திரமா சுத்தி வரணும்டா… சொன்னது என் நண்பன். இடம் தஞ்சை.. காரணம் கடன் தொல்லை..எங்கள் ஊரில் மேற்கு,கிழக்கு,வடக்கு,தெற்கு என்று நான்கு ராஜவீதிகள்.ஊடாக சின்ன சந்துகள்..ஒரு சந்தில் நுழைந்தால் போதும் சுத்தி சுத்தி நாலு ராஜ வீதிகளையும் அடையலாம்...+2 முடித்து கல்லூரியில் கால் வைத்த பருவம். டீக்கடை,பொட்டிகடை,வாடகை சைக்கிள் கடை,அயர்ன் கடை.. இப்படி எங்கள் கடன் கணக்கு சகல இடங்களிலும் வியாபித்திருந்தது.ஒரு இடத்துக்கு நேர் வழியில் போகவே முடியாது.எங்களை பொறுத்தவரை நேர்வழி சுற்றாகவே இருந்தது. என் நண்பன் உலக்சுக்கு ஒரு சமயம் பொட்டி கடை கடன் ரூ100 ஐ தாண்டி விட்டது. கடைகாரன் கொலைவெறியோடு இருந்தான். சிக்கினா சின்னாபின்னம்தான் என்ற நிலை. மாப்ள..ரூபா பொரட்டி கொடுத்திடலாம்..ஆனா பார்த்தவுடனே மேல கையை வச்சுட்டான்னா பிரச்சினையாயிடும்.என்ன பண்ண...ஒரு ஐடியா பண்ணோம்.

அதன்படிஉலக்ஸ் முதலில் மீசையை எடுத்தான். வெள்ளை வேட்டி சட்டைக்கு மாறினான். நேராக அந்த கடைக்கு போனான். கடைகாரருக்கு அடையாளம் தெரியவில்லை. இவன் அவனான்னு குழப்பம். என் தம்பி உங்க கிட்ட கடன் வாங்கியிருக்கானா? கேட்டது நம்மாளூ..கடைகாரர் ஆமாம் என்க, இந்தாங்கன்னு பணத்தை கொடுத்து தம்பி வேலை விஷயமா வெளியூர் போயிட்டான்.இனிமே வர மாட்டான். கடைகாரர் உணர்ச்சி பிரவாகமானார்.சே..எப்படிபட்ட புள்ளைய திட்டிபுட்டோம்னு “பரவாயில்லை தம்பி..நீங்க எப்ப எது எவ்வளவுக்கு வேணும்னாலும் நம்ம கடையில வாங்கிகங்க.. காசு மெதுவா கொடுத்தா போதும். இது எப்புடி இருக்கு. அப்புறம் அந்த கடன் குட்டி போட்டுகிட்டே போனது தனி கதை.

பெத்த கடன்,வளர்த்தகடன்,சோத்துக்கடன்,நன்றிகடன் இப்படி எத்தனை கடன் இருந்தாலும் ரூபாயா கொடுத்த கடனும்,வாங்கின கடனும் தான் பாடாய் படுத்தும். கடன் பெற்றார் நெஞ்சம் போல் .. இது பழசு. கடன் கொடுத்தார் நெஞ்சம் இதுதான் புதுசு. பாருங்க ஒரு பீடி கடன் கேட்டு கொடுக்கலை..இதுக்கு ஒரு கொலை..கடன் வாங்குறது சின்ன புள்ளைல இங்க் கடன் வாங்குறதிலயே ஆரம்பிக்குது.பேனா கழுத்தை திருகி சொட்டு கணக்குல மை கடன் வாங்கி,அதை திருப்பி கொடுத்து வரவு செலவு முளையிலேயே தொடங்குது.

என் சொந்தகாரன் ஒருத்தன் நல்ல நிலைமையில் இருந்தான். அப்ப நம்ம நிலைமை சிங்கிள் டீ க்கே சிங்கி.. மேற்படியான் கிட்ட போய் 1000 ரூ கேட்டேன். உடனே கொடுத்துட்டான். கொஞ்ச நாள் கழித்து எனக்கு 3000 ரூ தேவைப்பட்டது. உடனே 1000 ரூ இன்னொரு இடத்தில் புரட்டி சொந்தக்காரனிடம் கொடுக்கலாம்னு போனேன்.. முதல்ல இதை கொடுத்துட்டு , ஒரு 2 நாள் கழிச்சு 3000 க்கு அடி போடலாம்னு மாஸ்டர் பிளான். ஆனா அவன்? 1000 ரூ வேணாம்னுட்டான். பாவம்டா நீயே கஷ்டப்படுற.. வச்சுக்கன்னுட்டான். அதாவது முற்றுப்புள்ளி வச்சுட்டான்..புத்திசாலி. தப்பிச்சுட்டான்..

கடன் வாங்கி கழித்தல்.. இந்த தலைப்பில் ஒரு காமெடி ஸ்கிரிப்ட் எழுதினேன். முழுக்க சொந்த அனுபவம்தான். விஜய் டிவி அப்போது கோல்டன் ஈகிள் டிவியாக இருந்தது.. கங்கைஅமரன் அதன் தலைவராக இருந்தார். அவருக்கு ஸ்கிரிப்ட் பிடிச்சு போய் விவேக்கை வச்சு பண்ணலாம்னு சொன்னார். ஆனால் நம்ம சனியன் சடை பின்னி, பூ வச்சு ஆட ஆரம்பிச்சுது..பிராஜெக்ட் கோவிந்தா. அமரனும் வெளியேறி விட்டார். பின் வரும் பாரா அந்த கதையில் வரும் ஒரு பிட்டுதான்..

எழுத்தாளர் ஏடாகூடம் ஒரு புத்தகம் போட்டார். ”கடன் வாங்குவது எப்படி?” அதை கடனுக்குத்தான் அச்சடித்தார்.பிரஸ்காரர் பணம் கேட்டு வந்தபோது ஏடாகூடம் சொன்னார்” ஐயா இன்னொரு புத்தகம் எழுதியிருக்கேன். அதையும் கடனுக்கு அச்சடிச்சு கொடுத்திங்கன்னா மொத்தமா திருப்பிடறேன்.அது என்னய்யா புதுசுன்னு கேட்டால் “வாங்கின கடனை திருப்பி தராமல் இருப்பது எப்படி”யாம்.


கடன் வாங்குறதுக்கு கணக்கு வாத்தியாரும் ஒரு காரணம்.அவர்தானே பத்தலைன்னா பக்கத்துல கடன் வாங்கி கழிங்கன்னு சொல்லி கொடுத்தார்.
கடன் கேட்பது உரிமை...கொடுப்பது கடமை.. ஒரு ஆயிரம் ரூபா கைமாத்தா கொடுத்திங்கன்னா..

சாருவும், நானும்....

சமீபத்தில் மதுரையில் உயிர்மை 10 புத்தகங்கள் வெளியிட்டார்கள். விழாவிற்கு வாசு,சூர்யா மற்றும் நான் சென்று சிறப்பித்தோம். சாருவும் வந்திருந்தார்(அடப்பாவி..அவர் சிறப்பு விருந்தினர்டா..) மறுநாள் எங்களுக்கு 12 மணிக்கு ட்ரெயின். 8 மணிக்கே கள்ள மார்க்கெட்டில் தீர்த்தவாரி ஆக தொடங்கியிருந்தது.. காலை உணவிற்காக ஒரு ஓட்டலுக்கு போன போதுதான் சாருவுடனான சரித்திர சந்திப்பு. உணவு என்னவோ சைவம்தான்.. ஆனால் பேசின விஷயங்கள் ஒரு மூணு முனியாண்டிவிலாசுக்கு சமம். மனுஷன் எந்த விகல்பமும், போலித்தனமும் இல்லாத ஆள்.(இப்போது காற்றுக்காக திடீரென்று கதவை திறந்து வைத்திருக்கிறார்..அவர் அப்படித்தான்..)..மலேசியா சாண்ட்விச்சிலிருந்து இத்தாலி பிஸ்ஸா வரை..நடுவில் கொஞ்சம் தாய்லாந்து, பிரான்ஸ் என்று ஒரு கட்டு கட்டியிருக்கிறார்.. கொடுத்து வைத்த மனுஷன்

சாருவை நாம் ரசிக்க வேண்டும். விமர்சிக்க கூடாது. அதற்கெல்லாம் அவர் அப்பாற்பட்டவர். குமுதம் சொன்னதெல்லாம் சும்மா..சென்சேஷனுக்காக சாருவிடம் சொல்லி விட்டே செய்திருப்பார்கள்..(தலைவரும் சும்மா எல்லாம் தலையாடியிருக்க மாட்டார்..)

சாரு.. போட்டோவை தாமதமாக போடுகிறேன்.. நீங்கள் அன்று சொன்னது போல் லிங்க் கொடுத்து விடுங்கள். உங்கள் புண்ணியத்தில் இன்றைய பொழுது ஓடட்டும்.. 12 ஆம் தேதி சந்திப்போம்..(பவுன்சர்லாம் வர்றாங்களாமே)

அர்த்தமில்லாத கவிதை......

சாமி ஒரு சங்கதி
சத்த காது கொடுக்கணும்

பொழப்பு ஒண்ணும்
பெரிசா இல்ல
நல்ல சோத்தை பாத்து
நொம்ப நாளாச்சு
நாய் கடிச்சு வச்சதுதான்
நல்ல துணியாச்சு

தெக்கேந்து பங்காளி
வந்தான்..பளபளன்னு
எப்படிராண்ணேன்

திருவிழாவாம் அங்கிட்டு
கையை மோந்து பாத்தேன்

கறிவாசம் அடிக்குது
ஆறுமாசமாச்சாம்
வாசம் போவலையாம்

ஆறடிக்கு இலை
ஆட்டு கறி சோறு
அதுக்குள்ள
காப்பவுன் கம்மலாம்
இலைக்கடியில
ஆட்டுப்பால் குடிச்சவரு
சிரிச்சாராம்
பொருமலா இருந்துச்சு

பொஞ்சாதிக்கு சீலை
மல்லு வேட்டியாம் இவனுக்கு
குண்டி நோவாம
குந்த வச்சு
வண்டியில கூட்டி போனாங்களாம்
விரல்ல மை வைக்க

சாமி போறாமையா இருக்கு
நம்மூர்லயயும் திருவிழா
வந்தாக்க சொகமா கிடக்கும்தானே

நம்ம ஊர் தலை சொம்மாத்தானே
கிடக்கு..அதுக்கு
செத்தாவது
சீதக்காதியாவட்டுமே

குறிப்பு : ஏற்கனவே எழுதிய கவிதைதான்...இடைத்தேர்தலை முன்னிட்டு மீண்டும்...

அலைக்கழிகிறேன்..........

தூண்டிலிட்டு

கவரும் முயற்சி

தோல்வியென்றதும்

கல்லெறித் தாக்குதல்

ஆற்றாமையில்

வட்டத்துக்குள் சதுரமாய்
வளைய வர விருப்பமில்லை
சுதந்திரமாய்
சிறகடிக்கும் ஆசையில்
சிக்கிய அபலை

அலைக்கழிகிறேன்

சதைகள் கிழிந்து

அந்தரத்தில்

எலும்புகள் துருத்தி

சூத்திரம் அறுந்து

மூளியாய்
பதில் வாராக் கேள்விகளுடனும்...


குறிப்பு : உரையாடல் கவிதை போட்டிக்காக...

மானிட்டர் பக்கங்கள்.....30/11/09

ஆரம்பத்தில் மாறன் சகோதரர்களின் அசுர வளர்ச்சி அனைவரின் கண்ணையும் உறுத்தியபோது தலைவர் சொன்னார்.. அவர்கள் சிறு பிராயம் தொட்டே கடுமையான உழைப்பாளிகள். அதானால் அவர்களை குறை கூறுபவர்கள் பொறாமை பிடித்தவர்கள் என்று..

குடும்பத்தில் குடுமிபிடி சண்டை முற்றி, வீதிக்கு வந்தபோது அவர்களே சொன்னார்கள்.. திமுக மட்டும் இல்லையென்றால், இவர்கள் இப்படி வளர்ந்திருக்க முடியுமா? பின் பனித்து, இனித்து எல்லாம் ஆறிப் போனது..இல்லை நீறு பூத்த நெருப்பாகத்தான் இருகிறது.. சன் ஸ்டாலினை தூக்கி வைத்து கொண்டாடுகிறார்கள்.. அழகிரியின் மேல் இன்னும் கசப்பு இருக்கவே செய்கிறது. ஆழ்ந்து அவர்கள் செய்திகளை கவனித்தால் தெரியும். அழகிரி பற்றிய செய்திகளுக்கு அவ்வளவாக முக்கியத்துவம் இருக்காது. அவர்களுக்கு நன்றாக தெரியும். எதிர்கால ஆட்சி ஸ்டாலின் கையில்தான் என்று. அதனால்தான் மதுரைகாரர் மாநில அரசியலுக்கு திரும்ப பெரும் முயற்சி எடுத்து கொண்டிருக்கிறார்.

சன் தன் ஏகபோகத்தை நிலை நாட்ட சகல முயற்சிகளீலும் ஈடுபட்டு கொண்டிருக்கிறார்கள். புதிதாக நான்கு சேனல்கள் வரவிருக்கிறது. முதலில் சன் மெட்ரோ, பின் சன் பிளஸ். சன் மெட்ரோ சென்னைக்கு மட்டும். சூரியன் எஃப் எம் மாதிரி. பின் படிப்படியாக எல்லா நகரங்களுக்கும். சன் பிளஸ் விஜய் டிவிக்கு போட்டியாக இருக்கும் என்று தெரிகிறது... இதற்கு முட்டுகட்டை போட செய்த முயற்சிகள் பலிக்கவில்லை. அதனால் கலைஞர் தொலைகாட்சி தரப்பிலும் சில சானல்கள் தொடங்கப் போகிறார்கள். முதலில் வண்ணத்திரை என்ற மூவி சேனல். போட்டு தாக்குங்கப்பா.. நம்ம மக்கள் எவ்வளவு அடிச்சாலும் தாங்குவாங்க.. எவன் அப்பன் வீட்டு காசு..

வந்தவாசி தொகுதிக்கு திமுகவில் போட்டியிட ஆளே இல்லையா என்ன? அங்கும் வாரிசுக்குத்தான் சீட்டு. கேட்டால் அனுதாப அலையில் ஜெயிக்கலாமாம். அப்புறம் எதுக்கு சாதனை, மண்ணாங்கட்டி என்று முழு பக்க விளம்பரங்கள்?

அரசு இயந்திரம் துஷ்பிரயோகம் செய்யபட்டது.. வாக்குபதிவு இயந்திரத்தில் குளறுபடி... மைனாரிட்டி திமுக அரசு பணத்தை இறைத்தார்கள்.. அதிமுகவிற்கு ஓட்டு போட இருந்த வாக்காளர்கள் கடத்தப்பட்டனர்.. இன்னும் நிறைய காரணங்களொடு ஜெயலலிதா அறிக்கை தயார் செய்ய சொல்லிவிட்டார்.. பின்..இரண்டு தொகுதிகளிலும் ஆளுங்கட்சிதானே ஜெயிக்கப் போகிறது...

ஆட்சியில் பங்கு பெற்றால் நாம் பாத்திரம்தான் துலக்க வேண்டும். மப்பு பார்ட்டி இளங்கோவன் அறிக்கை.. வெறும் பாத்திரம் இல்லை தலைவரே. எச்சல் பாத்திரம்தான் மீதியிருக்கு..

மும்பை தாக்குதல் முடிந்து ஒரு வருடம் நிறைவடைந்தது... மாட்டி கொண்ட கசாப்பிற்கு பிரியாணி சகிதம் விருந்து படைத்து மதசார்பின்மையை மார் தட்டி கொள்கிறது அரசு. (இதுவரை அவனுக்கு 31 கோடி ரூ செலவிட்டிருக்கிறது மகாராஷ்டிர அரசு.. ம்ம்ம்..ஒரு புல்லட்டில் முடிய வேண்டைய வேலை..) லாஜிக்கே புரியவில்லை. பக்கா ஆதாரங்கள் இருந்தும், ஏன் அப்பாவி மக்களின் மரணத்திற்கு நீதி கிடைக்க இவ்வளவு தாமதம் என்று.. போகட்டும். அப்சல் குருவே இன்னும் சிறையில் சுதந்திரமாகத்தானே இருக்கிறான்.. ஆனால் இந்த செய்திதான் உறுத்துகிறது. வீரமரணம் அடைந்த ஹேமந்த் கார்கரேவிற்கும், விஜய் சாலேஸ்கருக்கும் இன்னும் இன்ஷூரன்ஸ் பணம் வந்து சேரவில்லையாம்..

சென்னை 100 கி.மீ என்று மைல் கல் பார்த்திருப்பீர்கள். சரியாக சென்னையின் நகர எல்லை ஆரம்பம் .. அதாவது 0 கி.மீட்டர் எங்கு தெரியுமா? கோட்டை ரயில் நிலையத்திற்கு முன் இருக்கும் பாலத்தின் மையப்பகுதிதான். அங்குதான் சென்னை 0 கி.மீ என்ற மைல்கல் இருக்கிறது..

இந்த வாரம் இரண்டு விபத்துகள். இரண்டுமே ஆட்டோ மீது ரயில் ஏறியது என்பதுதான் செய்தி.. ஏன்யா? ரயில் என்ன ? அண்ணா சாலையில் ஓடும் ஆட்டோ மீதா வந்து மோதியது. ரயில் போகும் பாதையில் ஆட்டோ குறுக்கே வந்தால் அது என்ன செய்யும்? இந்த ஊருக்குள் யானை வந்தது. வீடுகள் நாசம். இதுவும் அப்படித்தான். காட்டை அழித்து வீடு கட்டிக் கொண்டால் அப்புறம் யானை என்ன.. பிள்ளையார் கோயில்லயா போய் தேங்காய் தின்னுட்டு படுத்துறங்கமுடியும்??

மாயாவி என்ற படத்தின் சில காட்சிகளை தொலைகாட்சியில் பார்க்க நேர்ந்தது. அதில் சூர்யா பேசும் வசனம் “ஐயகோ ..காவல் துறை கலைத்துறையின் ஏவல் துறையாகி விட்டதே. இன்று அது உண்மையானது எவ்வளவு பொருத்தம்.. தலைவர் வேறு சமீபத்தில் ஒரு திரைப்பட விழாவில் பேசுகிறார். சினிமா சம்பந்தபட்ட விழாக்களில் கலந்து கொள்ளும் போது தாய் வீட்டில் இருப்பதை போல் உணருகிறேன்.. அவர் அப்படித்தான். பத்திரிக்கைகாரர்களிடம் பேசினால் “1936 லேயே நானும் பத்திரிக்கையாளனாகி விட்டேன் என்பார்..

காஞ்சிபுரம் கோயில் அர்ச்சகர் செமத்தியாகத்தான் பூஜை செய்திருக்கிறார். தோண்ட, தோண்ட திடுக் செய்திகளாக வருகிறது..அதை பற்றி நாம் என்ன கருத்து சொல்ல முடியும் ? எதுவாக இருந்தாலும் அந்த சிடிக்களை போட்டு பார்த்துதான் சொல்லலாம்..

கேள்வி: நீஅடுத்த ஜென்மத்தில் யாராக பிறக்க விரும்புகிறாய்?(கேட்டது கடவுள்)

நான் ஒரு முதலமைச்சருக்கு மகனாக பிறக்க விரும்புகிறேன் (ஒரே மகனாக)

கடவுள்: இப்பதான் இன்னொருவன் முதலமைச்சரா பிறக்கணும்னு கேட்டான். கொடுத்தேன்.

நான் :அதனால் என்ன இப்போ? நான் அவனுக்கு மகனாக பிறந்து விட்டு போகிறேன்..

கடவுள்: ஆனால் அவன் மூணு மனைவிகளும் வேணும்னு கேட்டான். சரின்னுட்டேனே.

அழகே உன்னை ஆராதிக்கிறேன்...

அழகு என்பதற்கு சரியான இலக்கணம் எது? அது நம் பார்வையை பொறுத்த விஷயம்.. எனக்கு நிரோஷா மிகவும் பிடிக்கும்.. என் நண்பன்.. மூஞ்சியா அது ? ஓட்டு மாங்காயை குறுக்கே வெட்டினாற் போல் என்பான்.. சற்றே இடது புறம் வகிடெடுத்திருப்பாள் அவள்..(உரிமைதான்) அதுதான் ஒரு வித்தியாசமான அப்பீலை அவளுக்கு (தோ..பார்டா) கொடுத்திருக்கும்) ஏழைஜாதி என்ற படத்தின் விஜய்காந்தை பார்த்தால் கேவலமாக இருப்பார்.. ஆனால் ஷத்திரியனில் ? மேன்லி & மெஜஸ்டிக்...ஏன்? இந்தியனில் சந்துரு பாத்திரம் எனக்கு அகோரமாய் இருந்தது.ஆனால் சேனாபதி.. அது அழகு..

சர்வதேச குழந்தைகள் திரைப்பட விழாவில்“ சிறந்த இயக்குனர்”விருது பெற்ற பாண்டிராஜின் புகைப்படம் பார்த்தேன். மிக எளிமையான கிராமத்து இளைஞன் முகம். வலிகள் தாண்டி கிடைத்தவெற்றியின் தாக்கம் அவர் முகத்தில் ஜொலித்தது. அப்படியொரு களை ..அந்த தன்னடக்கமான ,பெருமிதம் கலந்த மெல்லிய புன்னகையில் பேரழகாய் தெரிந்தார்.

அழகான விஷயங்களை பதிவு செய்ய வேண்டும் என்று அலைந்து கொண்டிருந்தேன்.. உதயம், அஸ்தமனம்,வயல் வரப்பு, நீர் நிலைகள்,பெண்கள்,கொலுசுக்கால்,பால் மழலை இன்னும் இத்யாதிகள்.. ஆனால் திருப்தியே வரவில்லை. நண்பர் ஒருவர் சொன்னார். பக்கத்து ஊரில் ஒரு மூதாட்டி இருக்கிறாள். அவள் வீட்டில் ஒரு நாள் கழித்து விட்டு வா..

மூதாட்டியின் எளிமையான வீடு.. நாலைந்து ஆட்டு குட்டிகள், கோழிகள், ஒரு நாய். வேறு மனிதர்கள் இல்லை.. அவளுக்கு எழுபது வயதிருக்கலாம். தோலெல்லாம் சுருங்கி, காதில் பெரிய ஓட்டை. கறையேறிய பற்கள்.. குழறும் பேச்சு என விகாரமாக இருந்தாள்.. இவளிடம் என்ன அழகியலை காண்பது என்று அந்த வீட்டை விட்டு வெளியேறி விட்டேன்..

மறுநாள் பொழுது விடிந்தது.. ஊருக்கு கிளம்பினேன்.. அந்த காலையில் கிராமம் அழகாய்த்தான் இருந்தது... மேய்ச்சலுக்கு செல்லும் ஆடு, மாடுகள் கூட அழகாய் ஈர்த்தன.. ஒரு மரத்தடி. அந்த கிழவியை பார்த்தேன்.. அவளா இவள்? என்னால் நம்பமுடியவில்லை.. குவிந்திருந்த களி மண்ணை ஒற்றை ஆளாய் மிதித்து கொண்டிருந்தாள்.. ராகத்துடன் ஏதோ ஒரு நாட்டுப்புற பாடல்.. செவிக்கினிமை... அவள் தலைக்கு பின்னால் கதிரவன்.. என் கோணத்தில் ஒரு நிழல் ஓவியம் போல் இருந்தாள்..

மண்ணை குமித்து, பதமாக பிணைந்து, சுழலும் அச்சின் மீது வைத்து, குழந்தைக்கு முதல் முலைப்பாலை ஊட்டும் தாயை போல் அவள் கைகள் ஆதுரத்துடன் நர்த்தனம் புரிய எனக்குள் விவரிக்க இயலாத பிரமிப்பு தோன்றியது.. உலகில் இதை விட பேரழகியலை காண முடியாது என்றே தோன்றியது.. அவளை ஓவியமாக தீட்ட ஆரம்பித்தேன்.. அப்போது நீங்கள் என்னை பார்த்திருக்க வேண்டும்!! என்னை விட அழகானவன் யாரும் இருக்க முடியாது என்ற முடிவிற்கு நீங்கள் வந்திருப்பீர்கள்..(ஏதோ ஒரு கூட்டத்தில் எழுத்தாளர் பிரபஞ்சன் சொல்ல கேட்ட ஒரு அயல் தேசத்து கவிதை..நினைவிலிருந்து கொஞ்சம் கற்பனை சேர்த்திருக்கிறேன்...

அழகு என்பது என்ன?உங்கள் பார்வையிலிருந்து எழுதுங்கள்..விதிமுறைகள் இல்லை... நான் அழைப்பது..

ஈரோடு கதிர்

ரம்யா

அப்துல்லா

ராமலட்சுமி

டிஸ்கி : முன்பு எழுதிய ஒரு கவிதை :

அழகாய் இருக்கிறாய்!!

பயமாய் இருக்கிறது...

அதே வரிகள்தான்..ஆனால்

இந்த முறை

மகளை பார்த்து!!

டிஸ்கி : 2

இந்த இடுகையை நீங்கள் படிக்கும் போதும், பின்னூட்டம் இடும் போதும், வாக்களிக்கும் போதும்....ஆஹா....எவ்வளவு அழகு!!

அர்த்தமில்லாத கதை----4

சிதம்பரம் சம்சாரமா ?

ஆமாங்க.

சொன்னதையெல்லாம் நினைப்பிருக்கு இல்ல?

இருக்குங்க..

அந்த விருதாசலத்து ஆளும், நாச்சியாரும் கூட்டு சேரவே கூடாது. நீதான் பொறுப்பு..

தெரியுங்க.. நான் சொல்லித்தானே நாச்சியாரம்மா அந்தாளை குடிகாரன்னு தூத்தினாங்க.. நான் பாத்துக்கறேன்

அந்த முட்டை கண்ணன் ரெண்டு பேரையும் சேர்க்க ரொம்ப மெனக்கெடறான் பாத்து..

நீங்க கவலையை விடுங்க ஐயா.. என் கடையில எவ்வளவு கொள்முதல் பண்றீங்க.. நன்றி மறப்பேனா?

அது மட்டுமில்ல.. பஞ்சாயத்துல உன் மேல எவ்வளவு பிராது இருக்கு. நாங்க கண்டுக்கிறதே இல்லை.

தெரியுங்கய்யா.. உடம்பும், உயிரும்தான் இங்க.. விசுவாசத்தை அங்கதானே வச்சிருக்கேன்

என்ன வரதா? திருவிழா நெருங்கிடுச்சு. என்ன பண்றது?

வரதன் கையிலிருந்த சுத்தியை கீழே வைத்தவாறு அதான் எனக்கும் புரியலை.. நாச்சியாரம்மாவோட இனி கஷ்டம்தான்.. உங்க நிலைமை என்ன?

அறிவாளை சாணம் பிடித்து கொண்டிருந்த பாண்டி.. ஒன்னும் தெரியலை.. அறுவா வேற மழுங்கி போச்சுது.. திருவிழால கலந்துக்கலை. அம்புட்டுதான் ஒரு பய உண்டியல்ல சல்லிக்காசு போட மாட்டான்..

ஒருக்கா ஐயா கிட்ட பேசி பார்த்தா என்ன?

அட போய்யா.. அந்தாளுக்கு நம்ம பவிசு தெரிஞ்சு போச்சு.. சீண்டகூட மாட்டாரு..பேசாம இந்த வாட்டியும் நம்ம தனியா திருவிழாக்கு போனா என்ன?

அட போப்பா.. பொண்சாதி, புள்ளைங்க கூட வரமாட்டாங்க... சரி .. விதி விட்ட வழி.. பார்ப்போம்..

என்னம்மா இது..சோத்துல சுத்தமா உப்பை காணோம்?

தம்பிதான் சேர்க்க வேணாம்னு சொல்லிடுச்சு.. இந்த ரோஷத்தையெல்லாம் கொஞ்ச நாளைக்கு தள்ளி வைங்க.. வீராப்பா தங்கச்சி கிட்ட மொறைச்சுகிட்டீங்க..இப்ப திருவிழா வேற .. உங்க அண்ணன் கால்லயாச்சும் விழுந்து எந்திரிக்க வேணாமா.. அதான்..

தம்பி எங்க?

ம்ம்..நைட்டுக்கு அடுப்பெரிக்க வேணாமா? அதான் காட்டுக்கு சுள்ளி உடைக்க அனுப்பியிருக்கேன்.

மானிட்டருக்கு மறுநாள்..... டெஸ்டிங் 1..2...3

நேற்று இட்ட இடுகைகள் தமிழ்மணம் முகப்பில் தெரியவில்லை.. ஆகவே இன்று ஒரு சோதனை (உங்களுக்கும்தான்) பதிவு(மீள்)

தலைவர் ஓய்வுக்காக ராமச்சந்திராவில் இருக்கிறார்.உடன் சண்முகநாதன்.

போரடிக்குதப்பா..எதாச்சும் கதை விவாதத்துக்கு ஏற்பாடு செய்..

ஐயா..கவிப்பேரரசுக்கு போன் போடட்டுமா?

வேண்டாம்யா..அந்த பழைய சோறு பார்ட்டிங்கல்லாம்..பொன்னர் சங்கர் படபிடிப்பை பார்க்க போனதுக்கே எவனோ கார் மேல கல்லை விட்டெறியரான்..

இந்த வாட்டி சும்மா நச்சுன்னு இருக்கணும்...துரைமுருகன்,ஆற்காடு கிட்ட எல்லாம் மூச்சு விட்றாதே..

ஐயா,பதிவுலகத்தில பசங்க எல்லாம் கலக்கறாங்கலாம்.அங்கேயிருந்து வரவச்சுடலாம்..

கேபிள் சங்கர்,வால்பையன்,நையாண்டிநைனா மற்றும் தண்டோரா வருகிறார்கள்..

கோரசாக...வணக்கம் ஐயா..

ம்ம்..உங்களை அறிமுகபடுத்திக்கங்க..

ஐயா நா கேபிள்..

கேபிள்ன்ன அரசு கேபிளா?அது எனக்கு ஆகாது.தெரியுமில்ல...

ஐயா நீங்கதான் அரசு..நா வெறும் கேபிள்தான்..

எஸ்சிவி யா இல்ல ஆர்சிவியா...

நா எம்சிவிங்க....

எம்சிவி யா? அது யார்துயா?

வால் பையன்..அது.. மெக்டவல் விஸ்கிய சொல்றாருங்க..

நீ யாருய்யா?

வால்பையன்..

மதுரையா..நினைச்சேன்

நா நையாண்டி நைனாங்க..

நைனான்னா ஆற்காட்டாருக்கா உறவா?யோவ் சண்முகநாதா..இவங்க என்னைய வச்சு காமெடி கீமெடி எதுவும் பண்றாங்களா?

ஐயா நா தண்டோராங்க..

உன்னைய பத்தி உளவுத்துறை சொல்லியிருக்காங்க.

யாருங்கய்யா? விஜயகாந்தா?

சரி என்ன சாப்பிடறீங்க?

கேபிள்.... சாப்பிட எதுவும் வேணாம்..இப்ப ஒரு நர்ஸ் வந்துட்டு போனாங்களே..பேர் என்ன? மல்லுவா?

யோவ் நீ துரை முருகனோட மோசமா இருப்ப போல..வாலு உனக்கு என்னய்யா வேணும்?

சரக்குத்தான்..ஐயா ஒரு விண்ணப்பம்..லேட்டா திறந்து சீக்கிரம் மூடிராங்க..கொஞ்சம் கவனிங்க.

எந்த பள்ளிக்கூடம்யா அது?

டாஸ்மாக் கடைதாங்க..

இதுக்கே தைலாபுரத்துலேர்ந்து தடியை வீசராங்க...நைனா உனக்கு என்னய்யா வேணும்?

ஐயா நீங்க முரசொலில எழுதின கவிதை கொஞ்சம் கொடுத்தீங்கன்னா..எதிர் கவுஜ போட்டு கடையை காப்பாத்திக்குவேன்..

திடீரென்று வாசலில் கேபிள் சங்கரின் பைக்கை பாத்துட்டு உண்மை தமிழன் உள்ளே வருகிறார்..

நீ யாருய்யா?

அப்பனே முருகா..

துரைமுருகனுக்கு சொந்தமா?

ஐயா நா சரவணன்..

அவர் கையை கட்டிகிட்டு இல்ல இருப்பாரு

தண்டோரா குறுக்கிட்டு..ஐயா தயவு செஞ்சு இவரையும் கையை கட்டிகிட்டுத்தான் இருக்கணும்னு உத்தரவு போடுங்க..டைப் அடிக்க ஆரம்பிச்சா நிறுத்தவே மாட்டேங்குறாரு..

கேபிள்..இந்த படத்தை தயாரிக்கறது யாருங்க?சன் பிக்சர்ஸா இல்ல கிளவுட் நைன்னா?

அவங்க எல்லாம் ஏமாறுவாங்களா..இதுக்குன்னு கழகத்துல சில அடிமைகளை வச்சிருக்கோமில்ல..நீ கதையை சொல்லுயா?

கேபிள் சங்கர் : பூஜையை போட்ட வுடனே சாங்..

மு.க. : நிறுத்து..நிறுத்து..பகுத்தறிவு பாசறைக்குள்ள வந்துட்டு என்ன பேச்சு?

தயாளு அம்மாள் வருகிறார்..என்னங்க..திருவாரூர் புவனேஸ்வரி அம்மன் கோயில்லேர்ந்து மந்திரிச்சு கயிறு அனுப்பியிருக்காங்க..கட்டி விடவா?

தண்டோரா (இதை நோட் பண்ணிக்கடா... வேலிட் பாயிண்ட் ஆச்சே)

கேபிள் : ஓப்பன் பண்ணா?

வால் .....ஓப்பன் பண்ணா நுரை வருமே தலைவா?

கேபிள்..நம்ம என்ன சோப்பு விளம்பரமா எடுக்கப் போறோம்..ஓப்பன் பண்ணா சன்ரைஸ் தலைவரே..

சண்முகநாதன் குறுக்கிட்டு,தலைவர் காபி குடிக்ககூடாது.டாக்டர் சொல்லியிருக்காரு..கஞ்சிதான்..

கேபிள்...அது இல்லீங்க..உதயசூரியனை காட்றோம்..

தலைவர் நிமிர்ந்து உட்காருகிறார்..இப்ப சீனை நா சொல்றேன்(கேபிள் தலையில் கை வைத்துக் கொள்கிறார்)

ஒரு கல்யாண வீடு..மைக் செட் கட்ட நாயகன் போகிறான்..ஜேகே ட்ட சொல்லி

பூம்புகார்ல பெரிய செட்டா போட சொல்லிடுவோம்..செலவெல்லாம் பழனிமாணிக்கம் பாத்துப்பாரு...

கேபிள்..ஐயா நான் தான் டைரக்டருன்னு சொல்லி இட்டாந்தாங்க..

மு,க..டைரக்டர் நீதான்யா..ஆனா டைரக்‌ஷன் நான் தானே..

கேபிள்..(விளங்கிடும்) ஐயா மேல சொல்லுங்க..நா திரைக்கதை ரெடி பண்ணிடறேன்..

மு.க... மணப்பெண் யாருன்னா..அவன் காதலி..அப்படியே ஷாக் அடிக்குது..

வால்...ஏங்க...ஓயரிங் தப்பாயிடுச்சா?

மு.க.. . கனெக்‌ஷனே மாறி போச்சுயா?இங்க டைட்டில் சாங்..

காயின்றி கனியில்லை...

நோயின்றி மருந்தில்லை..

ஆயின்றி வயிறில்லை...

பேயின்றி பிணமில்லை..

ஈயின்றி பீயில்லை...

நீயின்றி நானில்லை..

எப்பு...டி?

சண்முகநாதன்.. இப்படி இம்சையை கொடுக்கிறாரே..வேண்டாம்னு ஓட கூட முடியலை..இன்னும் கொஞ்ச நேரத்துல பசங்க வந்துடுவாங்க..வாங்கத்தான் போறாரு...

உண்மைத்தமிழன்...அருமை..அருமை..இந்த படத்துக்கு விமர்சனம் எழுதற ரைட்ஸ் எனக்குத்தான் தரணும்..

மு.க .. தன் காதலிதான் மணப்பெண்ணுன்னு தெரிஞ்சவுடனே துக்கம் தாங்காம அழ ஆரம்பிக்கிறான்..அப்ப மறுபடியும் ஒரு பேத்தாஸ் சாங்..

கேபிள்..தலைவரே..ஒரு சந்தேகம்..நம்ம வெறும் ஓளி,ஓலியும் மட்டுமா எடுக்கப் போறோம்..இல்லை இசையருவிக்காக எடுக்கிறமா?

மு.க..ரொம்ப பேசினா உன்னையும் காத்திருப்போர் பட்டியல்ல வச்சுடுவேன்..

இப்ப கிளைமாக்ஸ்..

தலைவரே..இடைவேளையே வரலையே..

மு.க..அதுக்குத்தான் நாயகியின் இடையை வர்ணிச்சு 10நிமிஷத்துக்கு ஒரு பாட்டு வச்சிருக்கமே?சரி..சரி..பசங்க வர்ற நேரமாச்சு..பேட்டா வாங்கிட்டு நீங்க கிளம்புங்க..

யாரோ வரும் சத்தம் கேட்டு ‘பசங்கதான் நினைக்கிறேன்..போர்வைக்குள் ஒளிந்து கொள்கிறார்..

தலைவா....தங்கத்தமிழே..

குங்குமசிமிழே..

நீயின்றி நானில்லையே..

ஜெகத்ரட்சகன் ஆளுயுர மாலையுடன் வருகிறார்..

தலைவரே..நீயின்றி நானில்லை படத்தின் வெள்ளி விழாவை நாளை வள்ளுவர் கோட்டத்தில் வைத்திருக்கிறேன்..இப்படத்தின் மாபெரும் வெற்றிக்கு காரணம்’ கலைஞரா...இல்லை..கருணாநிதியா என்ற தலைப்பில் கவியரங்கமும் உண்டு..

மு.க...யோவ்..அடுக்குமாய்யா..உனக்கு?இப்பத்தான் கதையை பத்தி பேசிகிட்டிருக்கோம்..வெள்ளி விழாவுக்கே போய்ட்டியா நீயி?என்ன எதாச்சும் புதுசா காலேஜ் ஆரம்பிக்கப் போறியா?கையெழுத்து போடணுமா?

எங்கோ ஊளையிடுவ்துபோல் அழுகை சத்தம் கேட்கிறது..பார்த்தால் கட்டிலுக்கு அடியில் துரைமுருகன்...

நியாயமா தலைவரே?பொதுப்பணித்துறையையும் புடுங்கிட்டீங்க..மீனாவுக்கு வேற கல்யாணம் ஆயிடுச்சு..நா என்னதான் பண்றது?தெரிஞ்சுக்காம நா நகரமாட்டேன்..

மு.க. நீ ரொம்ப சட்டம் பேசற..அதையும் உன் கிட்டேர்ந்து புடுங்கிட வேண்டியதுதான்..

என்ன இங்க..சத்தம்..என்றபடி ஸ்டாலினும்,அழகிரியும் வருகிறார்கள்...

ஏம்பா..உங்களை ஓய்வு எடுக்க சொன்னா..நீங்க சின்ன பசங்களையெல்லாம் கூப்பிட்டு வச்சு கூத்தடிக்கறிங்களா/

கேபிள் ....ஐயா தளபதி என்னயத்தான் சின்ன பையன்னு சொன்னார்..நா யூத்துப்பா யூத்து..

செக்யூரிட்டி...விரட்டுயா எல்லாரையும்.அப்பா வாசல்ல நல்லகண்ணு,ஜோதிபாசு எல்லாம் காத்துகிட்டு இருக்காங்க..போய் அருகம்புல் ஜீஸ் குடிச்சுட்டு வாக்கிங் போயிட்டு வாங்க..போங்க..