தவிர்க்க முடியாமல்.....கவிதைகள்

நாம் வசிக்குமிடம் எங்கும்
அது காத்துக் கொண்டிருக்கிறது
ஒரு தருணத்திற்காக..

தெரியாமல்
அதற்கு பலியாகிறோம்
தெரிந்து அடுத்தவனை பலியாக்குகிறோம்..

ஒத்த பெயருடைய இருவரில்
ஒருவனை சாய்த்து இட்ட கூக்குரல்
குருவையே வீழ்த்தியது

’குருஷேத்திரம்’ தொடங்கி
’சுப்ரமண்யபுரம்’ சித்திரம் வரை
எல்லா துரோகங்களின் முடிவிலும்
கேட்கப்படும்
”நீயா’ என்ற கேள்விக்கு
நாமாகவும் இருந்தோம்
என்பது வேதனையின்
வெளிப்பாடாகவே..
-------------------------------------------------------------------------------------------------------

நாளை சந்திப்போம்
நிறைய குடிப்போம்
நாக்குழற பேசிப்பிரிந்தோம்

இன்று..நான் மட்டும்
மதுக்கடையில் தனியே..

நண்பன் நினைவில்
“சாக்பீஸ்”சித்திரமாய்..
--------------------------------------------------------------------------------------------------------